కాంగ్రెస్‌ కార్యకర్తల ఓట్లతో గెలిచిన ఎంపీ.. తమను ఓడించేందుకు ప్రయత్నించిన బీఆర్‌ఎస్‌ నాయకులతో కలిసి పర్యటనలు చేయడం సమంజసం కాదని విమర్శించారు. కొయ్యూరు గ్రామ పంచాయతీ సర్పంచ్‌ అయిన దళిత మహిళకు ఎంపీ పర్యటన సమాచారం ఇవ్వకపోవడం ఎంతవరకు సమంజసమని ప్రశ్నించారు.
మంత్రి శ్రీధర్‌బాబు తనను పక్కన పెట్టాలని చూస్తే మంథని నియోజకవర్గంలో కాంగ్రెస్‌కు అత్యధిక మెజారిటీ ఎలా వచ్చిందో చెప్పాలని గడ్డం వంశీకృష్ణను ప్రశ్నించారు. మంత్రి ఆదేశాలతో 100 మందికిపైగా ఢిల్లీలో జరిగిన సమావేశానికి వెళ్లారని, ఎంపీగా ఉన్న వంశీకృష్ణ కనీసం పది మందిని కూడా ఢిల్లీకి తీసుకెళ్లలేదని ఆరోపించారు.
ఇప్పటికైనా బురదజల్లే రాజకీయాలను విడనాడి, తనను గెలిపించిన కాంగ్రెస్‌ కార్యకర్తల కోసం పనిచేయాలని విజ్ఞప్తి చేశారు.
ఈ కార్యక్రమంలో మండల కాంగ్రెస్‌ ఎస్సీ సెల్‌ అధ్యక్షుడు లేతకారి రాజబాపు, ఆలయ ధర్మకర్త మంచినీళ్ల దుర్గయ్య, బుర్రి శివరాజు, సర్పంచ్‌ చీకుర్తి శంకరయ్య, కోట సమ్మయ్య, ఓడేటి పద్మ, కాలేశ్వరం డైరెక్టర్లు దొడ్డ అశోక్‌, దొంగల సంతోష్‌, మాదాపూర్‌ టౌన్‌ అధ్యక్షుడు నయీం రాఘవేంద్ర, మైనార్టీ బ్లాక్‌ కాంగ్రెస్‌ అధ్యక్షుడు ఆశ్రర్‌ కురేషి తదితరులు పాల్గొన్నారు.
