ఈ సందర్భంగా కుల ప్రజా సంఘాల జేఏసీ జిల్లా చైర్మన్ పీక కిరణ్ మౌర్య, రజక సంఘం జిల్లా అధ్యక్షుడు అయితే బాపు మాట్లాడుతూ.. భగత్ సింగ్ చిన్న వయసులోనే దేశ స్వాతంత్ర్యం కోసం తన జీవితాన్ని త్యాగం చేసిన మహోన్నత విప్లవ యోధుడని అన్నారు. దేశం కోసం ఆయన ప్రదర్శించిన ధైర్యం, త్యాగం, పోరాట స్ఫూర్తి నేటి యువతకు ఎప్పటికీ ఆదర్శంగా నిలుస్తాయని పేర్కొన్నారు.
భగత్ సింగ్ కేవలం స్వాతంత్ర్యం కోసం మాత్రమే కాకుండా సమాజంలో నెలకొన్న అన్యాయం, దోపిడీ, అసమానతలకు వ్యతిరేకంగా కూడా పోరాటం చేశారని తెలిపారు. ఆయన ఆశయాలను, పోరాట స్ఫూర్తిని నేటి తరం యువత ముందుకు తీసుకెళ్లాల్సిన అవసరం ఉందన్నారు. సమాజంలో సమానత్వం, సామాజిక న్యాయం సాధించేందుకు ప్రతి ఒక్కరూ తమ వంతు కృషి చేయాలని పిలుపునిచ్చారు.
యువత విద్యతో పాటు సామాజిక చైతన్యాన్ని పెంపొందించుకోవాలని పీక కిరణ్ మౌర్య సూచించారు. సమాజంలోని సమస్యలపై అవగాహన పెంచుకుని, ప్రజల హక్కులు మరియు సామాజిక బాధ్యతల పట్ల చైతన్యంతో వ్యవహరించాలని అన్నారు. భగత్ సింగ్ జీవితం, ఆయన త్యాగం, దేశభక్తి, పోరాట పటిమ యువతకు స్ఫూర్తిదాయకమని పేర్కొన్నారు.
రజక సంఘం నాయకులు మాట్లాడుతూ భగత్ సింగ్ ఆశయాలను ప్రజల్లోకి తీసుకెళ్లడంతో పాటు యువతలో దేశభక్తి, సామాజిక బాధ్యత, సమానత్వ భావనలను పెంపొందించేందుకు ప్రతి ఒక్కరూ కృషి చేయాలని అన్నారు. భగత్ సింగ్ జయంతి సందర్భంగా ఆయనకు ఘన నివాళులర్పిస్తూ, ఆయన చూపిన మార్గంలో నడవాలని పిలుపునిచ్చారు.
ఈ కార్యక్రమంలో అన్నారం సర్పంచ్ నీళ్ల ప్రభాకర్, రజక సంఘం మండల ప్రధాన కార్యదర్శి చంద్రగిరి నరేష్, సమతా సైనిక్ దళ్ జిల్లా నాయకులు బుర్రి శివరాజు, రజక సంఘం నాయకులు, ప్రజా సంఘాల ప్రతినిధులు, యువకులు తదితరులు పాల్గొన్నారు.
