Stay Updated With Medigadda Tv News For The Latest News' Politics, Crime, Business And More From South India's Latest News Day To Day
Articles by "kaleshwaram ( కాళేశ్వరం )"
Showing posts with label kaleshwaram ( కాళేశ్వరం ). Show all posts
Stay Updated With Medigadda Tv News For The Latest News' Politics, Crime, Business And More From South India's Latest News Day To Day
కాలేశ్వరం : జయశంకర్ భూపాలపల్లి జిల్లా మహాదేవపూర్ మండలం కాలేశ్వరం ఆశ్రమ పాఠశాల వార్డెన్ వ్యవహారశైలిపై సమగ్ర విచారణ జరిపి, వాస్తవాలను వెలుగులోకి తీసుకురావాలని ఆల్ ఇండియా స్టూడెంట్స్ అసోసియేషన్ (ఏఐఎస్‌ఏ) జిల్లా కార్యదర్శి బందు సుజాత డిమాండ్ చేశారు. పాఠశాలలో విద్యార్థులకు అందుతున్న ఆహారం, మెనూ అమలు, తాగునీరు, బాత్రూమ్‌లు, ఇతర మౌలిక వసతులపై పలు సమస్యలు ఉన్నాయని ఆరోపిస్తూ కలెక్టర్, డీటీడీవోకు వినతిపత్రాలు సమర్పించినా ఇప్పటివరకు తగిన చర్యలు కనిపించలేదని ఆమె పేర్కొన్నారు.
ఈ సందర్భంగా బందు సుజాత మాట్లాడుతూ.. గత కొద్ది నెలలుగా పాఠశాలలో మెనూ సక్రమంగా అమలు చేయడం లేదని, విద్యార్థులకు అందాల్సిన పౌషకాహార పదార్థాల విషయంలో నిర్లక్ష్యం జరుగుతోందని ఆరోపించారు. విద్యార్థులకు ఏ రోజు ఏ ఆహారం అందించాలి, మెనూ ప్రకారం ఆహారం అందుతున్నదా లేదా అనే విషయాల్లో స్పష్టత లేకుండా పోయిందని అన్నారు. కొంతమంది విద్యార్థులను తమకు అనుకూలంగా మార్చుకుని, అధికారులు లేదా ఇతరులు వచ్చిన సమయంలో తమకు అనుకూలంగా మాట్లాడేలా ఒక గ్రూపును తయారు చేశారనే ఆరోపణలు కూడా ఉన్నాయని తెలిపారు.
మౌలిక వసతులపై కూడా ప్రశ్నలు.
పాఠశాలలోని ల్యాబ్‌ను వినియోగించకుండా పూజా గదిగా మార్చారనే ఆరోపణలు ఉన్నాయని సుజాత పేర్కొన్నారు. విద్యార్థుల పట్ల వార్డెన్ నిర్లక్ష్యంగా, కఠినంగా వ్యవహరిస్తున్నారని ఆరోపిస్తూ చర్యలు తీసుకోవాలని డిమాండ్ చేశారు. అదేవిధంగా పాఠశాలలోని వాటర్ ప్లాంట్ సక్రమంగా పనిచేయకపోవడంతో విద్యార్థులు మిషన్ భగీరథ నీటిపైనే ఆధారపడుతున్నారని తెలిపారు. బాత్రూమ్‌లు, తాగునీరు తదితర మౌలిక సదుపాయాల సమస్యలను తక్షణమే పరిష్కరించాలని కోరారు.
విచారణ జరిగిందా? నివేదిక ఏమైంది?
కలెక్టర్, డీటీడీవోకు ఫిర్యాదులు అందిన నేపథ్యంలో అధికారులు ఇప్పటివరకు ఏ చర్యలు తీసుకున్నారు? పాఠశాలలో వాస్తవ పరిస్థితులను ప్రత్యక్షంగా పరిశీలించారా? మెనూ రిజిస్టర్, స్టాక్ రిజిస్టర్, ఆహార పదార్థాల కొనుగోలు వివరాలు, విద్యార్థులకు అందించిన భోజనాన్ని పరిశీలించారా? మౌలిక వసతులపై వచ్చిన ఫిర్యాదులను పరిశీలించి నివేదిక రూపొందించారా? అనే ప్రశ్నలు తలెత్తుతున్నాయి.
విద్యార్థుల సంక్షేమానికి సంబంధించిన అంశాల్లో ఫిర్యాదులు వచ్చినప్పుడు కేవలం విచారణ పేరుతో సరిపెట్టకుండా, వాస్తవ పరిస్థితులను స్వతంత్రంగా పరిశీలించి బాధ్యత ఎవరిదో తేల్చాల్సిన అవసరం ఉందని ఏఐఎస్‌ఏ పేర్కొంది. విచారణలో ఆరోపణలు నిజమని తేలితే బాధ్యులపై నిబంధనల ప్రకారం చర్యలు తీసుకోవాలని డిమాండ్ చేసింది.
ఆధారాలతో విషయాలను బయటపెడతాం.
అధికారుల విచారణ నిష్పక్షపాతంగా జరగకపోతే తామే అందుబాటులో ఉన్న ఆధారాలను సేకరించి సంబంధిత అంశాలను ప్రజల ముందుకు తీసుకువస్తామని బందు సుజాత హెచ్చరించారు. వార్డెన్‌ను కాపాడేందుకు అధికారులు ప్రయత్నిస్తున్నారనే తమ ఆరోపణలపై కూడా ఉన్నతాధికారులు స్పష్టత ఇవ్వాలని కోరారు.
విద్యార్థుల ఆహారం, ఆరోగ్యం, తాగునీరు, పారిశుద్ధ్యం వంటి అంశాల్లో నిర్లక్ష్యానికి తావులేకుండా జిల్లా ఉన్నతాధికారులు తక్షణమే జోక్యం చేసుకుని సమగ్ర విచారణ నిర్వహించాలని ఆమె డిమాండ్ చేశారు. విచారణలో అధికారుల పాత్రలోనూ తప్పిదాలు బయటపడితే సంబంధిత ఉన్నతాధికారులపై చర్యలు తీసుకోవాలని కోరుతూ సంఘాల ఆధ్వర్యంలో పెద్ద ఎత్తున కార్యక్రమాలు చేపడతామని హెచ్చరించారు.
ఈ కార్యక్రమంలో స్ఫూర్తి, కిరణ్ మై, శ్రీవల్లి తదితరులు పాల్గొన్నారు.
Stay Updated With Medigadda Tv News For The Latest News' Politics, Crime, Business And More From South India's Latest News Day To Day
కాళేశ్వరం: జయశంకర్ భూపాలపల్లి జిల్లా మహాదేవ్‌పూర్ మండలం కాళేశ్వరం గ్రామంలో నూతన బస్టాండ్‌ను అటవీ ప్రాంతంలోని హనుమాన్ ఆలయం ఎదుట సర్వే నంబర్ 129లో నిర్మించాలని 9 మంది వార్డు సభ్యులు, స్థానికులు డిమాండ్ చేశారు. ఈ మేరకు జిల్లా కలెక్టర్ కార్యక్రమంలో జిల్లా అదనపు కలెక్టర్ అశోక్‌కుమార్‌కు సయ్యద్ ఇమ్రాన్‌తో పాటు స్థానికులు వినతిపత్రం అందజేశారు. ఈ సందర్భంగా వారు మాట్లాడుతూ.. కాళేశ్వరం గ్రామంలో నూతన బస్టాండ్ నిర్మాణానికి సర్వే నంబర్ 129 అనువైన ప్రదేశమని తెలిపారు. ప్రతి పుష్కర సమయంలో ఇదే ప్రాంతంలో తాత్కాలిక బస్టాండ్ ఏర్పాటు చేస్తున్నారని, అదే స్థలంలో శాశ్వత బస్టాండ్ నిర్మిస్తే ప్రజలకు మరింత సౌకర్యంగా ఉంటుందని పేర్కొన్నారు. సర్వే నంబర్ 129లో బస్టాండ్ ఏర్పాటు చేస్తే కాళేశ్వరాన్ని ఆనుకుని ఉన్న పరిసర గ్రామాలతో పాటు కాళేశ్వరం గ్రామంలోని పలు వార్డుల ప్రజలకు కూడా రవాణా సౌకర్యం మెరుగుపడుతుందని అన్నారు. బస్టాండ్ ఏర్పాటు వల్ల గ్రామ విస్తీర్ణం పెరగడంతో పాటు అభివృద్ధి మరింత వేగవంతమయ్యే అవకాశం ఉందని తెలిపారు. అటవీ ప్రాంతంలో బస్టాండ్ నిర్మాణానికి కాళేశ్వరం గ్రామానికి చెందిన 500 మందికి పైగా ప్రజలు సంతకాలు చేసి తమ మద్దతు తెలిపినట్లు వెల్లడించారు. ప్రత్యక్షంగా 500 మందికి పైగా సంతకాలు చేసినప్పటికీ, పరోక్షంగా మరెంతో మంది ప్రజలు ఈ ప్రతిపాదనకు మద్దతు ఇస్తున్నారని తెలిపారు. కాళేశ్వరం పాలకవర్గంలోని 12 మంది సభ్యుల్లో 9 మంది వార్డు సభ్యులు కూడా అటవీ ప్రాంతంలోని సర్వే నంబర్ 129లోనే బస్టాండ్ నిర్మించాలని కోరుతూ సంతకాలు చేసినట్లు పేర్కొన్నారు.
సాకి కుంట చెరువును పునరుద్ధరించాలి.
అదేవిధంగా కాళేశ్వరం గ్రామంలోని సాకి కుంట చెరువుకు పూర్వ వైభవం తీసుకురావాలని స్థానికులు కోరారు. చెరువులను కాపాడేందుకు హైడ్రా తీసుకుంటున్న చర్యలు అభినందనీయమని, అదే విధంగా సాకి కుంట చెరువు కబ్జాలకు గురికాకుండా అధికారులు ప్రత్యేక చర్యలు తీసుకోవాలని విజ్ఞప్తి చేశారు. సాకి కుంట చెరువు పైభాగం నిండుకుండలా ఉండేలా అవసరమైన చర్యలు చేపట్టాలని కోరారు. గతంలో చెరువు కింది భాగంలో కాళేశ్వరం యువత క్రీడలు ఆడేవారని, ప్రస్తుతం క్రీడలకు అనువైన స్థలం లేక యువత ఇబ్బందులు పడుతున్నారని తెలిపారు. చెరువును పునరుద్ధరించడంతో పాటు క్రీడా స్థలాన్ని కూడా అభివృద్ధి చేసి యువతకు అందుబాటులోకి తీసుకురావాలని కోరారు. కాళేశ్వరం గ్రామ ప్రజల అభిప్రాయాలను పరిగణనలోకి తీసుకుని సర్వే నంబర్ 129లోనే శాశ్వత బస్టాండ్ నిర్మాణానికి చర్యలు తీసుకోవాలని వారు అధికారులను కోరారు. ఈ కార్యక్రమంలో కాళేశ్వరం స్థానికులు ఆడప సంతోష్, మబ్బు సాయికిరణ్, తోట చంద్రశేఖర్‌తో పాటు పలువురు పాల్గొన్నారు.
Stay Updated With Medigadda Tv News For The Latest News' Politics, Crime, Business And More From South India's Latest News Day To Day
Stay Updated With Medigadda Tv News For The Latest News' Politics, Crime, Business And More From South India's Latest News Day To Day
Stay Updated With Medigadda Tv News For The Latest News' Politics, Crime, Business And More From South India's Latest News Day To Day
Stay Updated With Medigadda Tv News For The Latest News' Politics, Crime, Business And More From South India's Latest News Day To Day
హైదరాబాద్, జూలై 7: కాలేశ్వరం గ్రామ సర్పంచ్ వెన్నపురెడ్డి మోహన్ రెడ్డి ఆధ్వర్యంలో పలువురు ప్రజాప్రతినిధులు, బీఆర్ఎస్ పార్టీ నాయకులు కాంగ్రెస్ పార్టీలో చేరారు. హైదరాబాద్‌లోని ఎమ్మెల్యే కార్యాలయంలో నిర్వహించిన కార్యక్రమంలో తెలంగాణ రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు వారికి కాంగ్రెస్ పార్టీ కండువా కప్పి పార్టీలోకి ఆహ్వానించారు. కాంగ్రెస్ పార్టీలో చేరిన వారిలో ఉపసర్పంచ్ చెమ్మాల సుధీర్ కుమార్, వార్డు సభ్యులు రేవెల్లి రాకేష్, పానేం సంతోష్, వెన్నపురెడ్డి విజయలక్ష్మి, కావేరి జయలక్ష్మి, పెద్ది లక్ష్మి, షేక్ రహీమ బేగం, మాజీ ఎంపీపీ, మాజీ సర్పంచ్ వెన్నపురెడ్డి వసంతతో పాటు బీఆర్ఎస్ సీనియర్ నాయకులు ముల్కల రాజిరెడ్డి, కాటారపు శేఖర్, వెన్నపురెడ్డి సుకుమార్ రెడ్డి, శనిగరం శ్రీధర్ రెడ్డి, అమృత రమేష్, ఎండీ ముస్తఫా, వెన్నపురెడ్డి రంజిత్ రెడ్డి తదితరులు ఉన్నారు. ఈ సందర్భంగా సర్పంచ్ వెన్నపురెడ్డి మోహన్ రెడ్డి మాట్లాడుతూ, రాష్ట్రంలో కాంగ్రెస్ ప్రభుత్వం అమలు చేస్తున్న ఇందిరమ్మ ఇండ్లు, పేదలకు సన్నబియ్యం, మహాలక్ష్మి పథకం, 200 యూనిట్ల ఉచిత విద్యుత్ వంటి సంక్షేమ పథకాలతో పాటు యువతకు కల్పిస్తున్న అవకాశాలు తమను ఆకర్షించాయని తెలిపారు. ప్రజా సంక్షేమమే లక్ష్యంగా పనిచేస్తున్న కాంగ్రెస్ ప్రభుత్వానికి మద్దతుగా పార్టీలో చేరినట్లు పేర్కొన్నారు. ఈ కార్యక్రమంలో డీసీసీ ప్రధాన కార్యదర్శి కామెడీ శ్రీనివాస్ రెడ్డి, మహాదేవపూర్ మండల ఎస్సీ సెల్ అధ్యక్షుడు లేతకరి రాజబాబు, మాజీ సర్పంచ్ బందెల సత్యమ్మ, గ్రామ శాఖ ప్రచార కార్యదర్శి షేక్ షకీల్, యువ నాయకులు మాచర్ల అరుణ్ కుమార్, అమృతపు సారయ్య తదితరులు పాల్గొన్నారు.
Stay Updated With Medigadda Tv News For The Latest News' Politics, Crime, Business And More From South India's Latest News Day To Day
మహదేవ్‌పూర్, జూలై 5 : కాంగ్రెస్ ప్రభుత్వం ఎన్నో అడ్డంకులు సృష్టించి పర్యటనను అడ్డుకోవాలని ప్రయత్నించినప్పటికీ వాటన్నింటినీ అధిగమించి బీఆర్ఎస్ రాష్ట్ర వర్కింగ్ ప్రెసిడెంట్ కేటీఆర్, పార్టీ నేతలు కన్నెపల్లి పంప్‌హౌస్‌ను సందర్శించి పరిశీలించారు. అనంతరం ఏర్పాటు చేసిన మీడియా సమావేశంలో కేటీఆర్ మాట్లాడుతూ, హైదరాబాద్ నుంచి కన్నెపల్లికి చేరుకోవడానికి నాలుగు గంటల సమయం పడుతుందని, అయితే పెంబర్తి, జనగామ, ఘన్‌పూర్, పరకాల, భూపాలపల్లి, కాటారం, మహదేవ్‌పూర్ ప్రాంతాల్లో పోలీసులు అడ్డుకుని ఆలస్యం చేశారని ఆరోపించారు. కాంగ్రెస్ ప్రభుత్వ పెద్దల ఆదేశాలతోనే తమ పర్యటనకు ఆటంకాలు కల్పించారని విమర్శించారు. రాజకీయ కక్ష తీర్చుకోవడానికి తాము రాలేదని, తెలంగాణ రైతుల ప్రయోజనాల కోసం కాళేశ్వరం ప్రాజెక్టు వాస్తవ పరిస్థితిని ప్రజలకు తెలియజేయడానికే ఈ పర్యటన చేపట్టామని కేటీఆర్ తెలిపారు. గోదావరి నీటిని ఎత్తిపోసి ఎగువ ప్రాంతాలకు తరలించే బృహత్తర ప్రణాళికను కేసీఆర్ ప్రభుత్వం అమలు చేసిందని, ప్రపంచంలోనే అతిపెద్ద లిఫ్ట్ ఇరిగేషన్ ప్రాజెక్టు కాళేశ్వరం అని పేర్కొన్నారు. మేడిగడ్డ బ్యారేజీలో రెండు పిల్లర్లు దెబ్బతిన్నా మరమ్మతులు చేయకుండా కాంగ్రెస్ ప్రభుత్వం నిర్లక్ష్యం చేస్తోందని ఆరోపించారు. రూ.400 కోట్లతో మరమ్మతులు సాధ్యమని, ఎల్ అండ్ టీ సంస్థ ఉచితంగా మరమ్మతులు చేస్తామని ముందుకొచ్చినా ప్రభుత్వం స్పందించలేదన్నారు.
పుట్ట మధూకర్ సవాల్
కన్నెపల్లి పంప్‌హౌస్ వద్ద నీళ్లు లేవని చెబుతున్న ముఖ్యమంత్రి రేవంత్ రెడ్డి, మంత్రులు ఉత్తమ్ కుమార్ రెడ్డి, దుద్దిళ్ల శ్రీధర్‌లు దమ్ముంటే కన్నెపల్లికి వచ్చి స్వయంగా నీటి లభ్యతను పరిశీలించాలని మంథని మాజీ ఎమ్మెల్యే పుట్ట మధూకర్ సవాల్ విసిరారు. కేటీఆర్ పర్యటనను పోలీసులు అడ్డుకోవడం సిగ్గుచేటని, కాంగ్రెస్ ప్రభుత్వం కాళేశ్వరం ప్రాజెక్టును అపఖ్యాతిపాలు చేయాలనే ఉద్దేశంతో వ్యవహరిస్తోందని విమర్శించారు.
మేడిగడ్డ వద్ద చిన్న మరమ్మతులతోనే ప్రాజెక్టును వినియోగంలోకి తేవచ్చని, కానీ ప్రభుత్వం కావాలనే నిర్లక్ష్యం చేస్తోందన్నారు. కాళేశ్వరం ప్రాజెక్టు వల్లే రాష్ట్రంలో భూగర్భ జలాలు పెరిగి రైతులకు మేలు జరిగిందని, ఇప్పటికైనా కాంగ్రెస్ ప్రభుత్వం కళ్లు తెరిచి రైతుల ప్రయోజనాల దృష్ట్యా కన్నెపల్లి నుంచి నీటిని ఎత్తిపోసే చర్యలు చేపట్టాలని ఆయన డిమాండ్ చేశారు.
మేడిగడ్డ వద్ద చిన్న మరమ్మతులతోనే ప్రాజెక్టును వినియోగంలోకి తేవచ్చని, కానీ ప్రభుత్వం కావాలనే నిర్లక్ష్యం చేస్తోందన్నారు. కాళేశ్వరం ప్రాజెక్టు వల్లే రాష్ట్రంలో భూగర్భ జలాలు పెరిగి రైతులకు మేలు జరిగిందని, ఇప్పటికైనా కాంగ్రెస్ ప్రభుత్వం కళ్లు తెరిచి రైతుల ప్రయోజనాల దృష్ట్యా కన్నెపల్లి నుంచి నీటిని ఎత్తిపోసే చర్యలు చేపట్టాలని ఆయన డిమాండ్ చేశారు.
Stay Updated With Medigadda Tv News For The Latest News' Politics, Crime, Business And More From South India's Latest News Day To Day
మహాదేవపూర్, జూన్ 19: దక్షిణ కాశీగా పేరుగాంచిన కాళేశ్వరం ముక్తేశ్వర స్వామి దేవాలయ అభివృద్ధిని ఓర్వలేక కొందరు నాయకులు అసత్య ఆరోపణలు చేస్తున్నారని కాంగ్రెస్ నాయకులు మండిపడ్డారు. గత పదేళ్ల బీఆర్ఎస్ పాలనలో ఆలయ అభివృద్ధిని పూర్తిగా నిర్లక్ష్యం చేశారని ఆరోపించారు. మాజీ ఎమ్మెల్యే పుట్ట మధు దేవాలయ అభివృద్ధి పనులపై అవాస్తవ ప్రచారం చేస్తూ భక్తుల మనోభావాలను దెబ్బతీసే ప్రయత్నం చేస్తున్నారని విమర్శించారు. దేవస్థాన అభివృద్ధి కోసం టెండర్ ప్రక్రియ ప్రారంభం కాకముందే రూ.100 కోట్ల అవినీతి జరిగిందని ఆరోపించడం బాధ్యతారాహిత్యమని పేర్కొన్నారు. భక్తుల సహకారం, ప్రభుత్వ నిబద్ధతతో ఆలయ అభివృద్ధి పనులు చేపడుతున్నామని, పవిత్ర క్షేత్రాన్ని రాజకీయాలకు వేదికగా మార్చడం సరికాదని తెలిపారు.
లక్ష కోట్ల రూపాయలతో నిర్మించిన కాళేశ్వరం ప్రాజెక్టులో భాగమైన మెడిగడ్డ బ్యారేజీ కుంగిపోవడంతో రాష్ట్రానికి జరిగిన నష్టంపై మాజీ ఎమ్మెల్యే పుట్ట మధు సమాధానం చెప్పాలని డిమాండ్ చేశారు. అలాగే హత్యలు, కుట్రలు, భూదందాలు, రౌడీయిజం వంటి ఆరోపణలు ఎదుర్కొన్న వ్యక్తులు నైతిక విలువల గురించి మాట్లాడటం విడ్డూరంగా ఉందన్నారు. మహాదేవపూర్ ప్రాంత ప్రజలు వాస్తవాలను గుర్తించి అభివృద్ధికి సహకరిస్తున్నారని తెలిపారు. ఈ కార్యక్రమంలో ట్రేడ్ ప్రమోషన్ కార్పొరేషన్ చైర్మన్ అఫ్జల్ ప్రకాశ్ రెడ్డి, జిల్లా గ్రంథాలయ సంస్థ చైర్మన్ కోట రాజబాబు, మండల కాంగ్రెస్ అధ్యక్షుడు అక్బర్ ఖాన్, గ్రామ సర్పంచ్ హసీనా బానో, ఎక్స్‌పీఎస్సీఎస్ చైర్మన్ చల్ల తిరుపతిరెడ్డి, మాజీ ఎంపీటీసీ సుధాకర్, కాంగ్రెస్ నాయకులు కటకం అశోక్, రామన్ రావు, తిరుపతిరెడ్డి, శంకరయ్య, శివరాజు, సంతోష్, మోత సాంబయ్య, డీసీసీ ప్రధాన కార్యదర్శి కోట సమ్మయ్య, వార్డ్ సభ్యులు గడ్డం స్వామి, నయూముద్దీన్, మొహమ్మద్ తదితరులు పాల్గొన్నారు.
Stay Updated With Medigadda Tv News For The Latest News' Politics, Crime, Business And More From South India's Latest News Day To Day
సోమవారం ప్రత్యేకత.. దానధర్మాలకు ప్రాధాన్యం
పుష్కరాల తొలి 12 రోజులకు ఒక్కో ప్రత్యేకత ఉంటుందని పురాణాలు పేర్కొంటున్నాయి. 5వ రోజు సోమవారం కావడంతో శివారాధనతో పాటు దానధర్మాలు చేయడం అత్యంత శ్రేయస్కరమని పండితులు సూచిస్తున్నారు. పుష్కర స్నానాల అనంతరం భక్తులు అన్నదానం, వస్త్రదానం, గోదానం వంటి పుణ్యకార్యాల్లో పాల్గొంటున్నారు. ప్రకృతి పరిరక్షణ, నదీ సంస్కృతి పరిరక్షణకు సంకేతంగా పుష్కరాల సందర్భంగా నదీతీరాల్లో స్వచ్ఛత పాటించాలని, ప్రకృతి ధర్మాన్ని కాపాడాలని ఆధ్యాత్మిక వేత్తలు పిలుపునిస్తున్నారు.
Stay Updated With Medigadda Tv News For The Latest News' Politics, Crime, Business And More From South India's Latest News Day To Day
కాళేశ్వరం ఆలయ పునఃప్రతిష్ఠ పనులకు రాష్ట్ర ముఖ్యమంత్రి ఎనమల రేవంత్ రెడ్డి శంకుస్థాపన చేయనున్న నేపథ్యంలో జిల్లా యంత్రాంగం ఏర్పాట్లను వేగవంతం చేసింది. ఈ క్రమంలో జిల్లా కలెక్టర్ రాహుల్ శర్మ, జిల్లా ఎస్పీ సిరిసెట్టి సంకీర్త్, ఐఎస్‌డబ్ల్యూ అధికారులతో కలిసి కార్యక్రమ ఏర్పాట్లను సమగ్రంగా పరిశీలించారు. ఈ సందర్భంగా హెలిప్యాడ్ నిర్మాణం, అప్రోచ్ రోడ్ల పనులను ప్రత్యక్షంగా తనిఖీ చేశారు. కార్యక్రమం సజావుగా జరిగేలా అన్ని విభాగాల మధ్య సమన్వయం అవసరమని అధికారులు సూచించారు. అత్యవసర పరిస్థితులను దృష్టిలో ఉంచుకుని అంబులెన్సులు సిద్ధంగా ఉంచాలని, తక్షణ వైద్య సేవల కోసం వైద్యులను అందుబాటులో ఉంచాలని జిల్లా వైద్యాధికారికి ఆదేశాలు జారీ చేశారు. అదేవిధంగా భద్రతా పరమైన చర్యల్లో భాగంగా సేఫ్ హౌస్ ఏర్పాటు చేయాలని సంబంధిత అధికారులను ఆదేశించారు. ముఖ్యమంత్రి పర్యటనను దృష్టిలో ఉంచుకుని అన్ని ఏర్పాట్లు సమయానికి పూర్తి చేయాలని జిల్లా యంత్రాంగానికి కలెక్టర్ సూచించారు.
Subscribe to:
Posts (Atom)