Articles by "జగిత్యాల జిల్లా"
Showing posts with label జగిత్యాల జిల్లా. Show all posts
Stay Updated With Medigadda Tv News For The Latest News' Politics, Crime, Business And More From South India's Latest News Day To Day

స్వాతంత్ర్య దినోత్సవ వేడుకల సందర్భంగా మంచిర్యాల కలెక్టరేట్‌లో జరిగిన జాతీయ పతాకావిష్కరణ కార్యక్రమంలో జాతీయ జెండా గౌరవం, నిబంధనల ఉల్లంఘనపై కథనం ప్రచురించిన ‘నినాదం’ విలేకరిపై నమోదు చేసిన కేసును తక్షణమే ఉపసంహరించుకోవాలని కుల సంఘాల జేఏసీ జిల్లా చైర్మన్ పీక కిరణ్, ప్రజాసంఘాల నాయకులు డిమాండ్ చేశారు. జాతీయ జెండాకు గౌరవం ఇవ్వడం, రాజ్యాంగ విలువలను కాపాడటం ప్రతి పౌరుడి బాధ్యత అని పీక కిరణ్ అన్నారు. ప్రభుత్వ కార్యక్రమాల్లో నిబంధనలు పాటిస్తున్నారా లేదా అనే అంశాలను ప్రశ్నించడం, ప్రజా సమస్యలు మరియు అధికారుల లోపాలను వెలుగులోకి తీసుకురావడం మీడియా బాధ్యతలో భాగమని పేర్కొన్నారు. వార్తా కథనంపై అభ్యంతరాలు ఉంటే వివరణ ఇవ్వడానికి, చట్టపరమైన మార్గాలను అనుసరించడానికి అవకాశం ఉన్నప్పటికీ నేరుగా క్రిమినల్ కేసులు నమోదు చేయడం సరికాదన్నారు. విలేకరిపై సీరియస్ సెక్షన్ల కింద కేసు నమోదు చేయడం పత్రికా స్వేచ్ఛకు విఘాతం కలిగించే చర్యగా ప్రజాసంఘాల నాయకులు ఆందోళన వ్యక్తం చేశారు. జాతీయ జెండా గౌరవంపై ప్రశ్నించినందుకు విలేకరిపై కేసు నమోదు చేయడం సముచితం కాదని, అధికారులు వెంటనే స్పందించి కేసును ఉపసంహరించుకోవాలని ప్రభుత్వాన్ని, పోలీసు యంత్రాంగాన్ని వారు కోరారు. ఈ కార్యక్రమంలో జేఏసీ జిల్లా కన్వీనర్ అజ్మీర ఫుల్ సింగ్ నాయక్, కన్వీనర్ రామగిరి రాజు, జేఏసీ మండల చైర్మన్ ముఖ్య వెంకటస్వామి గౌడ్, మండల కన్వీనర్ లింగమల్ల సడవల్లి రావు తదితరులు పాల్గొన్నారు.

Stay Updated With Medigadda Tv News For The Latest News' Politics, Crime, Business And More From South India's Latest News Day To Day


జగిత్యాల: జిల్లాలోని ఎస్టీ హాస్టల్లో చోటుచేసుకున్న అమానుష ఘటన కలకలం రేపింది. హాస్టల్‌లో పనిచేస్తున్న శ్రీనివాస్ అనే సిబ్బంది పడుకున్న విద్యార్థులపై చీపురుతో దాడి చేసిన ఘటన తీవ్ర ఆగ్రహానికి దారితీసింది. బాధిత విద్యార్థుల వాంగ్మూలాల ప్రకారం, రాత్రి సమయంలో నిద్రలో ఉన్న వారిని లేపుతూ విచక్షణారహితంగా కొట్టినట్లు తెలుస్తోంది. విద్యార్థులు “మమ్మల్ని కొట్టొద్దు” అంటూ వేడుకున్నప్పటికీ అతను ఆగకుండా దాడి కొనసాగించినట్లు సమాచారం. ఈ ఘటనతో హాస్టల్‌లో భయానక వాతావరణం నెలకొంది. కొంతమంది విద్యార్థులు గాయపడినట్లు కూడా తెలిసింది. ఇక, శ్రీనివాస్ తరచూ మద్యం మత్తులో ఉండి విద్యార్థులపై దాడులకు పాల్పడుతున్నాడని ఆరోపణలు వెల్లువెత్తుతున్నాయి. గతంలో కూడా ఇలాంటి సంఘటనలు చోటుచేసుకున్నాయని, అయితే ఎవరూ పట్టించుకోలేదని విద్యార్థులు వాపోతున్నారు. విద్యార్థుల భద్రతపై నిర్లక్ష్యం వహించిన వారిపై కఠిన చర్యలు తీసుకోవాలని తల్లిదండ్రులు, ప్రజాసంఘాలు డిమాండ్ చేస్తున్నాయి. ఇటువంటి ఘటనలు పునరావృతం కాకుండా చర్యలు తీసుకోవాలని కోరుతున్నారు. ఈ ఘటనపై పూర్తి వివరాలు వెలుగులోకి రావాల్సి ఉంది.