Stay Updated With Medigadda Tv News For The Latest News' Politics, Crime, Business And More From South India's Latest News Day To Day
కాటారం, సెప్టెంబర్ 22: జయశంకర్ భూపాలపల్లి జిల్లా కాటారం మండలం ప్రతాపగిరి గ్రామపంచాయతీలో స్వచ్ఛత హీ సేవ కార్యక్రమంలో భాగంగా మంగళవారం పాఠశాల ఆవరణలో పారిశుధ్య కార్యక్రమం నిర్వహించారు. స్థానిక సర్పంచ్ వూర వెంకటేశ్వరరావు ఆధ్వర్యంలో ప్రతాపగిరి ప్రాథమిక పాఠశాల ఆవరణలో పిచ్చి మొక్కలను తొలగించి పరిసరాలను శుభ్రం చేశారు. ఈ సందర్భంగా సర్పంచ్ విద్యార్థులను ఉద్దేశించి మాట్లాడుతూ విద్యార్థులకు సంబంధించిన ఏ సమస్య ఉన్నా తమ దృష్టికి తీసుకువస్తే పరిష్కరించేందుకు కృషి చేస్తామని హామీ ఇచ్చారు.ఈ కార్యక్రమంలో పంచాయతీ కార్యదర్శి శంకరయ్య, వార్డు సభ్యురాలు బీసుల స్వరూప, ఫీల్డ్ అసిస్టెంట్ స్పందన స్వామి, గ్రామస్తులు కొండ రాములు, గుంటి కిష్టయ్య, బందరు కిష్టయ్య, పొలం సమ్మయ్య, గుంటి అరుణ తదితరులు పాల్గొన్నారు.
