Medigadda Tv News : SPORTS ( క్రీడలు )

Showing posts with label SPORTS ( క్రీడలు ). Show all posts

టీ20 వరల్డ్ కప్ ఫైనల్లో భారత్.. ఇంగ్లండ్‌పై అద్భుత విజయం

ANAPARTHI SRINIVAS GOUD Posted at March 05, 2026

Stay Updated With Medigadda Tv News For The Latest News' Politics, Crime, Business And More From South India's Latest News Day To Day

టి20 వరల్డ్ కప్‌లో భారత్ అద్భుత ప్రదర్శనతో ఫైనల్లోకి దూసుకెళ్లింది. ఉత్కంఠభరితంగా సాగిన సెమీఫైనల్ పోరులో ఇంగ్లండ్‌పై 7 పరుగుల తేడాతో విజయం సాధించి తుదిపోరుకు అర్హత సాధించింది. చివరి వరకు ఉత్కంఠ రేపిన ఈ మ్యాచ్‌లో రెండు జట్లు సమానంగా పోరాడినా కీలక సమయంలో భారత బౌలర్లు మెరుగైన ప్రదర్శన చేయడంతో విజయం భారత్‌ను వరించింది. ముందుగా బ్యాటింగ్ చేసిన భారత్ బ్యాటర్లు దూకుడుగా ఆడుతూ భారీ స్కోరు సాధించారు. ఆరంభం నుంచే వేగంగా పరుగులు సాధిస్తూ ఇంగ్లండ్ బౌలర్లపై ఒత్తిడి తెచ్చారు. మధ్య ఓవర్లలో కూడా అదే జోరు కొనసాగడంతో నిర్ణీత 20 ఓవర్లలో భారత్ భారీ స్కోరు నమోదు చేసి ఇంగ్లండ్‌కు 254 పరుగుల లక్ష్యాన్ని నిర్దేశించింది. భారీ లక్ష్యంతో బరిలోకి దిగిన ఇంగ్లండ్ జట్టు ఆరంభం నుంచే దూకుడుగా ఆడింది. ఓపెనర్లు వేగంగా పరుగులు సాధించి జట్టుకు మంచి ఆరంభం అందించారు. ఆ తర్వాత క్రీజులోకి వచ్చిన బెథెల్ అద్భుతంగా ఆడి భారత బౌలర్లకు చుక్కలు చూపించాడు. కేవలం 48 బంతుల్లోనే 105 పరుగులు సాధిస్తూ బౌండరీలు, సిక్సర్లతో స్టేడియాన్ని మార్మోగించాడు. అతని దూకుడైన బ్యాటింగ్‌తో మ్యాచ్ ఇంగ్లండ్ వైపు మళ్లినట్లే కనిపించింది. అయితే మ్యాచ్ చివరి దశలో భారత బౌలర్లు పుంజుకున్నారు. కీలక సమయంలో వరుసగా వికెట్లు పడగొట్టడంతో ఇంగ్లండ్‌పై ఒత్తిడి పెరిగింది. ముఖ్యంగా డెత్ ఓవర్లలో కట్టుదిట్టమైన బౌలింగ్ చేయడంతో ఇంగ్లండ్ బ్యాటర్లు పరుగులు చేయడంలో ఇబ్బందులు పడ్డారు. చివరి ఓవర్లలో వికెట్లు వరుసగా పడటంతో ఇంగ్లండ్ లక్ష్యానికి చేరుకోలేకపోయింది. చివరికి నిర్ణీత ఓవర్లు పూర్తయ్యే సరికి ఇంగ్లండ్ జట్టు లక్ష్యానికి 7 పరుగులు దూరంలో నిలిచిపోయింది. దీంతో భారత్ ఉత్కంఠభరిత విజయాన్ని సాధించి ఫైనల్‌కు అర్హత సాధించింది. ఈ విజయంలో భారత బౌలర్ల పట్టుదలతో పాటు ఫీల్డర్ల అద్భుత ప్రదర్శన కూడా కీలక పాత్ర పోషించింది. ఈ విజయంతో భారత్ టి20 వరల్డ్ కప్ ఫైనల్లోకి అడుగుపెట్టింది. ఆదివారం అహ్మదాబాద్ వేదికగా భారత్, న్యూజిలాండ్ మధ్య తుదిపోరు జరగనుంది. ప్రపంచ కప్ ట్రోఫీ కోసం ఈ రెండు జట్లు పోటీ పడనున్నాయి. ఈ మ్యాచ్‌పై క్రికెట్ అభిమానుల్లో భారీ ఆసక్తి నెలకొంది. భారత్ ట్రోఫీని గెలుచుకుంటుందా లేదా అన్న ఉత్కంఠ ఇప్పుడు అభిమానుల్లో కనిపిస్తోంది.

SPORTS ( క్రీడలు )

ఏలూరు శాయ్ ఇన్ఛార్జ్‌పై లైంగిక వేధింపుల ఆరోపణలు – విద్యార్థినుల ఆవేదన

ANAPARTHI SRINIVAS GOUD Posted at June 23, 2025

Stay Updated With Medigadda Tv News For The Latest News' Politics, Crime, Business And More From South India's Latest News Day To Day

ఆంధ్రప్రదేశ్‌లోని ఏలూరులో సంచలనం సృష్టించిన ఓ ఘటన వెలుగులోకి వచ్చింది. స్పోర్ట్స్ అథారిటీ ఆఫ్ ఇండియా (శాయ్) ఇన్ఛార్జ్ వినాయక ప్రసాద్, క్రీడా విద్యార్థినులపై లైంగిక వేధింపులకు పాల్పడినట్లు ఆరోపణలు వెల్లువెత్తాయి. ఏలూరులోని అల్లూరి సీతారామరాజు స్టేడియం వద్ద ఉన్న శాయ్ భవనంలో ఈ ఘటన చోటుచేసుకుంది.

వినాయక ప్రసాద్ పది మందికి పైగా బాలికలతో అసభ్యంగా ప్రవర్తించాడని బాధితులు ఆరోపిస్తున్నారు. ఈ విషయంపై ఓ బాధితురాలు పోలీసులకు ఫిర్యాదు చేయగా, వినాయక ప్రసాద్‌పై కేసు నమోదు చేశారు. ఈ ఘటనపై పోలీసులు విచారణ జరుపుతున్నారు.

SPORTS ( క్రీడలు ) Telangana( తెలంగాణ )

అఖిల భారతీయ విద్యార్థి పరిషత్ హనుమకొండ శాఖ ఆధ్వర్యంలో ఆర్ట్స్ కళాశాల గ్రౌండ్లో ఖేలొ భారత్ క్రీడోత్సవాలు..

ANAPARTHI SRINIVAS GOUD Posted at January 31, 2025

Stay Updated With Medigadda Tv News For The Latest News' Politics, Crime, Business And More From South India's Latest News Day To Day

మేడిగడ్డ, న్యూస్ హనుమకొండ,ప్రతినిధి

ఈ కార్యక్రమానికి ముఖ్యఅతిథిగా ఏబీవీపీ తెలంగాణ రాష్ట్ర కార్యదర్శి మాచర్ల రాంబాబు, విభాగ వ్యవస్థ ప్రముఖ్ ఎలేటి నాగరాజు, విభాగ్ సంఘటన కార్యదర్శి కుంట హర్షవర్ధన్, ఆర్ట్స్ కళాశాల ప్రొఫెసర్ సుంకరి జ్యోతి, స్టేట్ వర్కింగ్ కమిటీ మెంబర్ ఆరేపెల్లి సుజిత్, మరియు కొత్తపల్లి సుధాకర్, ఈ కార్యక్రమంలో పాల్గొని జెండా ఆవిష్కరణ మరియు జ్యోతి ప్రజ్వలన అనంతరం రాష్ట్ర కార్యదర్శి మాచర్ల రాంబాబు మాట్లాడుతూ దేశంలో యువత రోజు రోజుకు మత్తు పదార్థాలకు, మాదక ద్రవ్యాలకు బానిసై ఏంతో మంది విద్యార్ధులు తమ ప్రాణాలను కోల్పోతున్నారు. విద్యార్ధులు సుభాష్ చంద్రబోస్ వంటి స్వాతంత్ర సమరయోధులను విద్యార్థులు స్ఫూర్తిగా తీసుకొని జీవితంలో ముందుకు సాగాలని యువతకు సూచించారు. నేతాజీ కి జయంతి ఏ కానీ వర్ధంతి లేని ఏకైక స్వాతంత్ర సమరయోధుడు అని విద్యార్థులతో అన్నారు, స్వామి వివేకానంద ప్రపంచ దేశాలకు హిందుత్వాన్ని, భరత దేశ ఔన్నత్యాన్ని చాటిచెప్పారు. భారత సంస్కృతినీ ప్రపంచ దేశాలకు చెరవేసిన మొట్ట మొదటి వ్యక్తి స్వామీ వివేకానంద. వీరిద్దరి అడుగు జాడల్లో ప్రతినిత్యం ఏబీవీపీ నడుస్తుంది అని అన్నారు, ఒక అప్పటి కాలంలో దేశానికి సైనిక దళాన్ని, దేశభక్తులను,స్వాతంత్ర సమరయోధులను అందించినటువంటి పంజాబ్ రాష్ట్రం నేడు మత్తు పదార్థాలకు, వ్యసనాలకు అలవాటు పడి పంజాబ్ రాష్ట్రం నాశనం అవుతుంది అని మాట్లాడారు, భగత్ సింగ్, రాజ్ గురు , సుక్దేవ్ లాంటి మహా వీరులు పుట్టిన ఈ నెలలో నా దేశ యువత నేడు మత్తుపదర్థలకు అలవాటు పడి చెడిపోతున్నారు అని అన్నారు. రాష్ట్రంలో విచ్చల విడిగా డ్రగ్స్ రాకెట్ దందాలు రోజు రోజుకు ఎక్కువ అవుతున్నాయి అని, ప్రభుత్వాలు కట్టడి చేసిన బయటి రాష్ట్రాల్లో నుండి అక్రమ రవాణా జరుగుతుంది అని దీనికి ఆనకట్ట వేయాలంటే కేవలం దేశ యువత తోనే సాధ్యం అవుతుంది అని మాట్లాడారు. దేశంలో క్రీడారంగంలో యువకులను రాణించాలని, వారి ప్రతిభను కలశాల క్యాంపస్ నుండి దేశానికి మంచి పేరు తెచ్చే విధంగా విద్యార్ధులు తయారు చేసే కేంద్రంగా భరత్ ముందుకు వెళుతుంది అని అన్నారు. ఖేలో భారత్ అనేది దేశంలోనీ ప్రతీ కలశాల, పాఠశాల క్యాంపస్ లలో ఏబీవీపీ నిర్వహిస్తుందని నషా విముక్త్ భారత్ ను తయారు చేయడమే ఏబీవీపీ ఏకైక లక్ష్యమని తెలియజేశారు కార్యక్రమంలో జిల్లా స్పోర్ట్స్ కన్వీనర్ హరిచరణ్ , రాష్ట్ర కార్యవర్గ సభ్యులు శ్రవణ్ భరత్ , సర్దార్ , రాహుల్, సలీం , క్రీడాకారులు తదితరులు పాల్గొన్నారు.

SPORTS ( క్రీడలు )

రవీంద్ర జడేజా రిటైర్మెంట్..!

ANAPARTHI SRINIVAS GOUD Posted at January 11, 2025

Stay Updated With Medigadda Tv News For The Latest News' Politics, Crime, Business And More From South India's Latest News Day To Day

టీమిండియా క్రికెట్ ప్లేయర్ జ‌డేజా క్రికెట్‌కు రిటైర్‌మెంట్ ప్ర‌క‌టించ‌బోతున్న‌ట్లు ప్ర‌చారం జ‌రుగుతుంది. సోష‌ల్ మీడియా(ఇన్స్టాగ్రామ్)లో జ‌డేజా చేసిన ఓ పోస్ట్ రిటైర్‌మెంట్ వార్త‌ల‌కు బ‌లాన్ని చేకూర్చుతోంది. జ‌డేజా రిటైర్‌మెంట్ ప్ర‌క‌టించ‌డం ఖాయంగానే క‌నిపిస్తోంద‌ని క్రికెట్ వ‌ర్గాల‌తో పాటు అభిమానులు చెబుతున్నారు. అయితే జడేజా ఇన్‌స్టాగ్రామ్‌లో త‌ను వేసుకొనే జెర్సీ నంబ‌ర్ 8 ఫొటోను పోస్ట్ చేశాడు.ఫొటోకు ఎలాంటి క్యాప్ష‌న్ అందించలేదు.ఒక జెర్సీ ఫొటోను మాత్ర‌మే జ‌డేజా షేర్ చేశాడు. జ‌డేజా జెర్సీ ఫొటోతో రిటైర్‌మెంట్ పుకార్లు మొద‌ల‌య్యాయి."హ్యాపీ రిటైర్‌మెంట్ డే జడేజా" అంటూ అభిమానులు అప్పుడే జ‌డేజాకు విషెస్ చెప్ప‌డం స్టార్ట్ చేసారు.తన రిటైర్‌మెంట్ ప్ర‌క‌టించాల‌నే ఆలోచ‌న‌తోనే జ‌డేజా జెర్సీ ఫొటోను షేర్ చేసిన‌ట్లు తెలుస్తోంది.