महाराष्ट्राच्या राजकारणात नवा इतिहास सुनैत्रा पवार राज्याच्या पहिल्या महिला उपमुख्यमंत्री

 

मुंबई : महाराष्ट्राच्या राजकीय इतिहासात एक महत्त्वाचा टप्पा नोंदवला गेला आहे. राज्याच्या पहिल्या महिला उपमुख्यमंत्री म्हणून सुनैत्रा पवार यांनी आज शपथ घेतली. राजभवन येथे पार पडलेल्या शपथविधी सोहळ्यात राज्यपालांच्या उपस्थितीत त्यांनी पद व गोपनीयतेची शपथ घेतली. या ऐतिहासिक क्षणाचे साक्षीदार म्हणून अनेक मान्यवर नेते, मंत्री आणि वरिष्ठ अधिकारी उपस्थित होते. अलीकडेच झालेल्या दुर्दैवी विमान दुर्घटनेत उपमुख्यमंत्री अजित पवार यांचे निधन झाले होते. या घटनेनंतर राज्याच्या राजकारणात मोठी पोकळी निर्माण झाली होती. प्रशासन आणि सरकारची घडी विस्कळीत होऊ नये, यासाठी सत्ताधारी पक्षाने महत्त्वपूर्ण निर्णय घेत सुनैत्रा पवार यांच्यावर उपमुख्यमंत्रीपदाची जबाबदारी सोपवली. सुनैत्रा पवार या सार्वजनिक जीवनात फारशा सक्रिय नसल्या तरी सामाजिक कार्य, महिला सक्षमीकरण आणि ग्रामीण विकासाशी संबंधित उपक्रमांमध्ये त्यांचा सहभाग उल्लेखनीय राहिला आहे. त्यांच्या अनुभवाचा आणि सामाजिक बांधिलकीचा विचार करूनच हा निर्णय घेण्यात आल्याचे राजकीय वर्तुळात सांगितले जात आहे. शपथविधीनंतर प्रतिक्रिया देताना सुनैत्रा पवार म्हणाल्या, “राज्याच्या पहिल्या महिला उपमुख्यमंत्रीपदाची जबाबदारी मिळणे हे माझ्यासाठी सन्मानासोबतच मोठे आव्हान आहे. महाराष्ट्राच्या विकासासाठी आणि जनतेच्या हितासाठी प्रामाणिकपणे काम करेन.” तसेच स्वर्गीय अजित पवार यांच्या कार्याचा आणि विचारांचा वारसा पुढे नेण्याचा निर्धारही त्यांनी व्यक्त केला. सुनैत्रा पवार यांच्या शपथविधीमुळे महाराष्ट्राच्या राजकारणात महिलांच्या नेतृत्वाला नवे बळ मिळाले असून, हा निर्णय भविष्यातील राजकीय वाटचालीसाठी दिशादर्शक ठरेल, अशी प्रतिक्रिया विविध स्तरांतून व्यक्त होत आहे.