అల్లం బుచ్చమ్మ కుటుంబానికి సాహితీవేత్తల పరామర్శ..

పెద్దపల్లి, (మేడిగడ్డ టీవీ న్యూస్) : మృతురాలి చిత్రపటానికి పూలమాల వేసి నివాళులర్పించిన కవులు,రచయితలు ఇటీవల మృతి చెందిన అల్లం బుచ్చమ్మ కుటుంబ సభ్యులను పలువురు కవులు,రచయితలు,సాహితీవేత్తలు శనివారం మంథని మండలం గాజులపల్లిలో పరామర్శించి ప్రగాఢ సానుభూతిని వ్యక్తం చేశారు.ఈ సందర్భంగా బుచ్చమ్మ కుమారులు అల్లం రాజయ్య,అల్లం వీరయ్యతో పాటు ప్రెస్ అకాడమీ మాజీ చైర్మన్ అల్లం నారాయణను.కూతురు కుదిరే లక్ష్మి లను కలిసి కుటుంబ సభ్యులకు ధైర్యం చెప్పారు.అనంతరం అల్లం బుచ్చమ్మ చిత్రపటానికి పుష్పాంజలి ఘటించి ఘనంగా నివాళులర్పించారు.ఆమె మృతి పట్ల విచారం వ్యక్తం చేస్తూ కుటుంబ సభ్యులకు తమ ప్రగాఢ సానుభూతిని తెలిపారు.పరామర్శించిన వారిలో కవులు,రచయితలు,సాహితీవేత్తలు,కళాకారులు,సామాజిక కార్యకర్తలు ఏలేశ్వరం వెంకటేశం,పుట్ట రాజన్న,మందల రవీందర్ రెడ్డి తదితరులు ఉన్నారు.