భూపాలపల్లి పోలీస్ స్టేషన్‌లో వినాయకుడి పూజ చేసిన ఎస్పీ కిరణ్ ఖరే.

ఉమ్మడి వరంగల్ : మాడుగుల శ్రీనివాస శర్మ 

జయశంకర్ భూపాలపల్లి పోలీస్ స్టేషన్ ప్రాంగణంలో వినాయక నవరాత్రులలో భాగంగా జిల్లా ఎస్పీ కిరణ్ ఖరే, వినాయకుని పూజలో పాల్గొని భగవంతుని ఆశీర్వాదాలు పొందారు.

పూజా కార్యక్రమం అనంతరం వన మహోత్సవంలో భాగంగా మొక్కలు నాటారు. ఈ కార్యక్రమంలో, భూపాలపల్లి పోలీస్ స్టేషన్ సిబ్బంది, కుటుంబ సభ్యులు, పెద్ద సంఖ్యలో పాల్గొన్నారు. గణపతి నవరాత్రి ప్రారంభమవుతున్న సందర్భంగా అందరూ సమష్టిగా శుభాకాంక్షలు తెలియజేసి, జిల్లాలో శాంతి, సౌభ్రాతృత్వం నెలకొనాలని ప్రార్థించారు.

జిల్లా ఎస్పీ మాట్లాడుతూ, ఇలాంటి పండుగలు పోలీసు సిబ్బందికి ఆధ్యాత్మిక ఉత్సాహాన్ని కలిగించడంతో పాటు సామాజిక ఐక్యతను పెంపొందిస్తాయని అన్నారు. కార్యక్రమంలో డిఎస్పి సంపత్ రావు, సిఐ నరేష్, ఎస్ఐ సాంబమూర్తి, ఎస్ఐ రమేష్, సిబ్బంది అందరూ పాల్గొని పూజలో భాగస్వాములయ్యారు.