ఎన్నికల కార్యక్రమానికి పీఆర్టీయూ టీఎస్ జిల్లా అధ్యక్షుడు రేగూరి శుభాకర్రెడ్డి, జిల్లా ప్రధాన కార్యదర్శి కుసునపు కిరణ్కుమార్ ముఖ్య అతిథులుగా హాజరయ్యారు. వారి పర్యవేక్షణలో ఎన్నికల ప్రక్రియ నిర్వహించి, నూతన కార్యవర్గాన్ని ఏకగ్రీవంగా ఎన్నుకున్నారు. అనంతరం నూతనంగా ఎన్నికైన కార్యవర్గ సభ్యులతో ప్రమాణ స్వీకారం చేయించారు.
మండల అధ్యక్షుడిగా అనపర్తి తిరుపతి, ప్రధాన కార్యదర్శిగా అజ్మీరా రవీందర్ ఎన్నికయ్యారు. అసోసియేట్ అధ్యక్షుడిగా పి.సంజీవ్, మహిళా అసోసియేట్ అధ్యక్షురాలిగా డి.శారద, ఉపాధ్యక్షుడిగా టి.సంపత్, మహిళా ఉపాధ్యక్షురాలిగా కె.పద్మజ, కోశాధికారిగా ఎస్.సతీష్, కార్యదర్శిగా ఎ.యుగాంధర్ బాధ్యతలు స్వీకరించారు. మహిళా కార్యదర్శులుగా జె.శశిరేఖ, బి.ఈశ్వరి ఎన్నికయ్యారు.
ఈ సందర్భంగా నూతన మండల అధ్యక్షుడు అనపర్తి తిరుపతి, ప్రధాన కార్యదర్శి అజ్మీరా రవీందర్ మాట్లాడుతూ తమపై విశ్వాసంతో కీలక బాధ్యతలు అప్పగించిన ప్రతి ఉపాధ్యాయ సోదర, సోదరీమణులకు కృతజ్ఞతలు తెలిపారు. ఉపాధ్యాయుల సమస్యలను సంఘం దృష్టికి తీసుకువచ్చి, వాటి పరిష్కారానికి కృషి చేస్తామని పేర్కొన్నారు. ఉపాధ్యాయుల హక్కులు, సంక్షేమం కోసం సంఘం తరఫున నిరంతరం పనిచేస్తామని తెలిపారు.
మండలంలోని ఉపాధ్యాయులందరినీ సమన్వయం చేసుకుంటూ సంఘాన్ని మరింత బలోపేతం చేయడానికి కృషి చేస్తామని నూతన కార్యవర్గ సభ్యులు తెలిపారు. ఉపాధ్యాయుల సమస్యల పరిష్కారంలో ఐక్యంగా ముందుకు సాగుతామని పేర్కొన్నారు.
కార్యక్రమంలో కాటారం మండల పరిధిలోని వివిధ పాఠశాలలకు చెందిన ఉపాధ్యాయులు, పీఆర్టీయూ టీఎస్ నాయకులు, ప్రతినిధులు పాల్గొన్నారు. నూతనంగా ఎన్నికైన కార్యవర్గ సభ్యులకు ఉపాధ్యాయులు శుభాకాంక్షలు తెలిపారు. నూతన కార్యవర్గం ఆధ్వర్యంలో ఉపాధ్యాయుల సమస్యల పరిష్కారానికి మరింత చురుకుగా పనిచేయాలని ఆకాంక్షించారు.
Post A Comment: