అక్షితర్యాణి హంతకులకు శిక్షపడేలా ప్రయత్నం చేస్తాం : సీపీ

పెద్దపల్లి : అక్షితరాణి నివాసాన్ని సందర్శించి దర్యాప్తు అధికారులకు కీలక సూచనలు చేసిన పోలీస్ కమిషనర్ గోదావరిఖని వన్‌టౌన్ పోలీస్ స్టేషన్ పరిధిలో సంచలనం సృష్టించిన యువతి హత్య కేసును గోదావరిఖని వన్‌టౌన్ పోలీసులు ఛేదించి,నిందితులను అరెస్ట్ చేసి రిమాండ్‌కు తరలించారు.ఈ కేసు అత్యంత ప్రాధాన్యత కలిగిన సున్నితమైన కేసు కావడంతో రామగుండం పోలీస్ కమిషనర్ అంబర్ కిషోర్ ఝా,గోదావరిఖని ఏసీపీ ఎం.రమేష్,గోదావరిఖని వన్‌టౌన్ ఇన్‌స్పెక్టర్ ఇంద్రసేనారెడ్డితో కలిసి బుధవారం మృతురాలు అక్షితరాణి నివాసాన్ని సందర్శించారు.ఈ సందర్భంగా కేసు దర్యాప్తు పురోగతి,నేరానికి సంబంధించిన వివరాలు,నేరం జరిగిన తీరు తదితర అంశాలను పోలీసు అధికారులను అడిగి తెలుసుకున్న సీపీ,దర్యాప్తు అధికారులకు పలు కీలక సూచనలు చేశారు.నిందితులపై చట్టప్రకారం కఠిన చర్యలు తీసుకోవడంతో పాటు,కేసులో తుది న్యాయస్థాన తీర్పు వచ్చే వరకు దర్యాప్తు,ప్రాసిక్యూషన్ ప్రక్రియను సమర్థవంతంగా కొనసాగించాలని సీపీ ఆదేశించారు.దర్యాప్తులో ఎలాంటి లోపాలు,అలసత్వం,నిర్లక్ష్యానికి తావులేకుండా ప్రతి అంశాన్ని క్షుణ్ణంగా పరిశీలించాలని సూచించారు.కేసులోని ప్రతి సాంకేతిక, న్యాయపరమైన అంశాన్ని పరిగణనలోకి తీసుకుని శాస్త్రీయ ఆధారాలతో దర్యాప్తును పూర్తి చేయాలని,ఫోరెన్సిక్ సైన్స్ ల్యాబొరేటరీ(ఎఫ్ఎస్ఎల్)నివేదికలు,ఇతర శాస్త్రీయ ఆధారాలను సక్రమంగా సేకరించి,కేసు దర్యాప్తులో సమర్థవంతంగా వినియోగించాలని సూచించారు.నిందితులకు న్యాయస్థానంలో కఠిన శిక్ష పడేలా కేసును పటిష్టమైన ఆధారాలతో ముందుకు తీసుకెళ్లాలని,దర్యాప్తు మరియు ప్రాసిక్యూషన్‌లో సమన్వయంతో పనిచేయాలని ఏసీపీ,ఇన్స్పెక్టర్ లను సీపీ అంబర్ కిషోర్ ఝా ఆదేశించారు.