కాటారంలో మండల స్థాయి ప్రజావాణి కార్యక్రమం.

కాటారం, అక్టోబర్ 12 మేడిగడ్డ టీవీ న్యూస్ : ప్రజల సమస్యలను నేరుగా తెలుసుకుని, వాటి పరిష్కారానికి చర్యలు తీసుకునే ఉద్దేశంతో జయశంకర్ భూపాలపల్లి జిల్లా కాటారం మండల ప్రజాపరిషత్ కార్యాలయంలో సోమవారం మండల స్థాయి ప్రజావాణి కార్యక్రమాన్ని నిర్వహించారు. ఈ కార్యక్రమంలో మండలంలోని వివిధ శాఖలకు చెందిన 17 మంది అధికారులు పాల్గొన్నారు. ప్రజావాణి కార్యక్రమంలో భాగంగా గృహ నిర్మాణ సమస్యలకు సంబంధించి ప్రజలు మూడు దరఖాస్తులను అధికారులకు సమర్పించారు. ప్రజల నుంచి స్వీకరించిన దరఖాస్తులను పరిశీలించి, వాటిలోని సమస్యల పరిష్కారం కోసం సంబంధిత శాఖల అధికారులకు పంపించనున్నట్లు ఇన్‌చార్జి ఎంపీడీవో (సూపరింటెండెంట్) మార్క శ్రీధర్ బాబు తెలిపారు. ప్రజావాణి ద్వారా ప్రజలు తమ సమస్యలను అధికారుల దృష్టికి తీసుకువచ్చే అవకాశం ఉంటుందని, అందిన దరఖాస్తులను సంబంధిత శాఖలకు పంపించి సమస్యల పరిష్కారానికి చర్యలు తీసుకుంటామని ఆయన వెల్లడించారు. ప్రజలు తమ సమస్యలకు సంబంధించి దరఖాస్తులు సమర్పించినప్పుడు వాటిని పరిశీలించి, పరిష్కారానికి అవసరమైన చర్యలు చేపట్టేందుకు అధికారులు కృషి చేస్తారని తెలిపారు. ఈ కార్యక్రమంలో మండల తహసీల్దార్, ఇన్‌చార్జి ఎంపీడీవో మార్క శ్రీధర్ బాబుతో పాటు మండల స్థాయి వివిధ శాఖల అధికారులు పాల్గొన్నారు. జయశంకర్ భూపాలపల్లి జిల్లా, కాటారం మండల ప్రజావాణి కార్యక్రమంలో మొత్తం మూడు గృహ నిర్మాణ సమస్యలకు సంబంధించిన దరఖాస్తులు స్వీకరించినట్లు అధికారులు తెలిపారు.