భూపాలపల్లి జిల్లా పోలీస్ కార్యాలయంలో ‘వుమెన్ బ్లూ కోల్ట్’ కార్యక్రమం ప్రారంభం

ఉమ్మడి వరంగల్ జిల్లా ప్రతినిధి/ మాడుగుల శ్రీనివాస శర్మ 

ఉమ్మడి వరంగల్;

జయశంకర్  భూపాలపల్లి జిల్లా పోలీస్ కార్యాలయంలో, జిల్లా ఎస్పీ  కిరణ్ ఖరే,   మహిళా పోలీసు సిబ్బందికి వాహనాలను అందజేశారు.

మహిళల భద్రతను దృష్టిలో ఉంచుకొని ప్రత్యేకంగా రూపొందించిన *‘వుమెన్ బ్లూ కోల్ట్*’ కార్యక్రమాన్ని ప్రారంభిస్తూ, ఎస్పీ  జెండా ఊపి స్కూటీ ర్యాలీకి ప్రారంభ సూచన చేశారు. ఈ కార్యక్రమంలో భూపాలపల్లి పోలీస్ స్టేషన్, కాటారం పోలీస్ స్టేషన్, షీ టీమ్స్ నుంచి ఎంపికైన మహిళా సిబ్బందికి స్కూటీలు కేటాయించారు.

ఈ సందర్భంలో అడిషనల్ ఎస్పీ  నరేష్ కుమార్ , భూపాలపల్లి సబ్-డివిజన్ డీఎస్పీ  సంపత్ రావు , కాటారం సబ్-డివిజన్ డీఎస్పీ సూర్యనారాయణ రావు , సిఐలు, ఎస్సైలు మరియు ఇతర పోలీస్ సిబ్బంది పాల్గొన్నారు.