కాటారం, ఆగస్టు 1: జయశంకర్ భూపాలపల్లి జిల్లా కాటారం మండలం దామెరకుంట గ్రామంలో శనివారం విషాద ఘటన చోటుచేసుకుంది. గ్రామానికి చెందిన రాంశెట్టి రాజు పటేల్ అనే యువకుడు కరెంట్ షాక్‌కు గురై మృతి చెందినట్లు స్థానికులు తెలిపారు.సమాచారం ప్రకారం, రాంశెట్టి రాజు పటేల్ స్నానానికి వెళ్లే సమయంలో బాత్రూం సమీపంలో ఉన్న విద్యుత్ తీగ ప్రమాదవశాత్తు చేతికి తగలడంతో తీవ్ర కరెంట్ షాక్‌కు గురయ్యాడు. అపస్మారక స్థితిలో పడిపోయిన అతడిని గమనించిన కుటుంబ సభ్యులు, స్థానికులు వెంటనే సహాయక చర్యలు చేపట్టినప్పటికీ అప్పటికే మృతి చెందినట్లు తెలుస్తోంది.ఈ ఘటనతో దామెరకుంట గ్రామంలో విషాదఛాయలు అలుముకున్నాయి. మృతుడి కుటుంబ సభ్యుల రోదనలు హృదయవిదారకంగా మారాయి.ఘటనకు సంబంధించిన పూర్తి వివరాలు, ప్రమాదానికి గల కారణాలపై అధికారిక సమాచారం వెలువడాల్సి ఉంది.
Post A Comment: