దుర్గామాతను దర్శించుకున్న:ఉపసర్పంచ్ వినోదరావు.

రామగిరి, అక్టోబర్ 18 (మేడిగడ్డ టీవీ న్యూస్): పెద్దపల్లి జిల్లా రామగిరి మండలం సుందిళ్ల గ్రామ పరిధిలోని నరసింహులపల్లిలో బోగిరి భాస్కర్ ఆధ్వర్యంలో ప్రతిష్ఠించిన శ్రీశ్రీ దుర్గామాతను ఆదివారం పలువురు ప్రముఖులు దర్శించుకుని ప్రత్యేక పూజలు నిర్వహించారు. ఈ సందర్భంగా ముస్త్యాల గ్రామ ఉపసర్పంచ్ బాసినేని వినోద్ సత్యనారాయణరావు, పుట్ట రాజన్న, మాజీ ఎంపీటీసీ బోగిరి రాములు తదితరులు అమ్మవారిని దర్శించుకుని భక్తిశ్రద్ధలతో మొక్కులు చెల్లించుకున్నారు. అనంతరం ప్రత్యేక పూజల్లో పాల్గొని అమ్మవారి ఆశీస్సులు పొందారు. ఈ కార్యక్రమంలో బోగిరి భాస్కర్‌తో పాటు పలువురు మహిళలు, స్థానిక భక్తులు పాల్గొన్నారు. పూజల అనంతరం అర్చకులు ప్రముఖులను ఆశీర్వదించి, శ్రీదుర్గామాత కృపాకటాక్షాలు అందరిపై ఎల్లవేళలా ఉండాలని ఆకాంక్షించారు. భక్తులకు తీర్థప్రసాదాలు అందజేశారు. దీంతో ఆలయ ప్రాంగణంలో భక్తి వాతావరణం నెలకొంది.