మహబూబాబాద్ జిల్లా శాఖ ఆధ్వర్యంలో పెన్షన్ ఆక్రోష్ ర్యాలీ..

ఉమ్మడి వరంగల్ జిల్లా ప్రతినిధి/ మాడుగుల శ్రీనివాసశర్మ 

హన్మకొండ ;

మహబూబాబాద్ జిల్లా శాఖ ఆధ్వర్యంలో పెన్షన్ ఆక్రోష్ ర్యాలీ మహబూబాబాద్ జిల్లా కేంద్రం లో అంబేద్కర్ సెంటర్ వద్ద జరపడం జరిగింది.

ఈ కార్యక్రమంలో టిఎస్ సిపి ఎస్ ఈయు రాష్ట్ర కార్యదర్శి ఆవునూరి రవి మాట్లాడుతూ గత 20 సంవత్సరాలనుండి సిపిఎస్ విధానం కొనసాగిస్తూ ఇటు ఉద్యోగుల అటు ప్రభుత్వ సొమ్మును ప్రైవేటు సంస్థలకు కట్టబెడుతూ తీవ్ర అన్యాయం చేస్తున్నారు. కాంట్రిబ్యూటరీ పెన్షన్ స్కీం విధానం లో రిటైర్డ్ అయినా వారికి కనీస పెన్షన్ ఆసరా పెన్షన్ కన్నా అద్వాన్నంగా ఉందని ,ఈ విధానం చాలా లోపభూయిష్టంగా ఉందని ఈ విధానం తక్షణమే రద్దు చెయ్యాలని డిమాండ్ చేశారు. ఉద్యోగ ఉపాధ్యాయులకు ఫ్రెండ్లీగా ఉన్న ప్రభుత్వము తన మేనిఫెస్టోలో పెట్టిన విధంగా పాత పెన్షన్ విధానాన్ని అమలు చేయాలని ప్రభుత్వాన్ని కోరారు.

  ప్రభుత్వ సంక్షేమ పథకాలను ప్రజల్లోకి చేరవేసే ఉద్యోగులు ప్రభుత్వానికి చేతులలాంటి వాళ్ళని ఉద్యోగుల సంక్షేమం ప్రభుత్వాల బాధ్యత అని గుర్తు చేశారు.

 రాష్ట్ర ప్రచార కార్యదర్శి శ్రీకాంత్ నాయక్ మాట్లాడుతూ పెన్షన్ బిక్ష కాదు ఉద్యోగుల హక్కు . తమ హక్కులను యాచించాల్సిరావడం దారుణమని అన్నారు. మహబూబాద్ టీఎన్జీవో జిల్లా అధ్యక్షులు వడ్డే బోయిన శ్రీనివాస్ మాట్లాడుతూ కేంద్ర ప్రభుత్వం ప్రకటించిన యుపిఎస్ విధానాన్ని రద్దుచేసి ఓపిఎస్ విధానాన్ని పునరుద్ధరించాలని కోరారు మహబూబాద్ జిల్లా టీజీవో కార్యదర్శి రఫీ రాష్ట్ర ప్రభుత్వము మేనిఫెస్టోలో పెట్టిన విధంగా సిపిఎస్ విధానాన్ని రద్దుపరిచి ఓ పి ఎస్ విధానానికి పునరుద్ధరించాలని కోరారు.

 ఈ కార్యక్రమం జిల్లా అధ్యక్షులు పూసపాటి నాగ ముని ఆధ్వర్యంలో జరిగినది. పలు సంఘాల నాయకులు సంఘీభావం తెలుపుతూ టీఎన్జీవో మరియు టీజీవో టీ పి టీ ఎఫ్,యూటీఎఫ్ నాయకులు ఈరోజు టిపిటిఎఫ్ మండల ప్రధాన కార్యదర్శి లింగారెడ్డి. TSCPSEU జిల్లా ప్రధాన కార్యదర్శి గోపు లక్ష్మీకాంత్, అసోసియేట్ ప్రెసిడెంట్ నాగరాజు వైస్ ప్రెసిడెంట్ విఎండి రఫీక్, హరినాయక్ జిల్లా కార్యవర్గ సభ్యులు రవీందర్ నాయక్, మేకల కుమార్,జిల్లా మహిళా కార్యవర్గ సభ్యురాలు మమత మరియు టీఎన్జీవో ట్రెజరర్ మైసరోహిత్ టీఎస్ టిటిఎఫ్ జిల్లా అధ్యక్షులు బద్రు నాయక్ బీసీలు జిల్లా అధ్యక్షులు దొంతూజు ఓంకార్ ప్రధాన కార్యదర్శి గుడిగంటి శీను మహబూబాబాద్ అధ్యక్షులు వీరన్న కేసముద్రం మండల బాధ్యులు అశోక్, భాస్కర్ కురవి మండల అధ్యక్షులు శివకుమార్ నరేష్ రామారావు బాబు సింగ్ రవీందర్ శేఖర్ వెంకటరమణ చిన్న గూడూరు మండల బాధ్యులు ఉస్మాన్ తదితరులు పాల్గొన్నారు.