ఉమ్మడి వరంగల్ జిల్లా ప్రతినిధి /మాడుగుల శ్రీనివాసశర్మ
హన్మకొండ ;
హనుమకొండ లోని నిట్ సెమినార్ హాల్స్ కాంప్లెక్స్లోని బోస్ హాల్లో నేషనల్ ఇన్స్టిట్యూట్ ఆఫ్ టెక్నాలజీ వరంగల్ నిర్వహించిన ఇంటర్నేషనల్ కాన్ఫరెన్స్ విన్ (విమెన్ ఇన్క్లూజివ్ నెట్వర్క్) -ప్రారంభమైంది.
ఈ వేడుకకు ముఖ్య అతిథిగా సిక్తా పట్నాయక్, కలెక్టర్ & జిల్లా మేజిస్ట్రేట్ హనుమకొండ మరియు గౌరవ అతిథులుగా హైదరాబాద్లోని ఇంగ్లీష్ అండ్ ఫారిన్ లాంగ్వేజెస్ యూనివర్శిటీ డీన్ ప్రొఫెసర్ సుజాత ముకిరి మరియు తెలంగాణ ప్రభుత్వ చీఫ్ ఇన్నోవేషన్ ఆఫీసర్ డాక్టర్ శాంత థౌటం పాల్గొన్నారు.
ఈ సందర్భంగా జిల్లా కలెక్టర్ సిక్తా పట్నాయక్ మాట్లాడుతూ అన్ని వృత్తులలో మహిళల డిజిటల్ భాగస్వామ్యాన్ని ఎలా మెరుగుపరచాలో చర్చించారు. మరియు డిజిటల్ ప్రదేశాలలో కొనసాగుతున్న లింగ-అంతరం యొక్క సూక్ష్మ విశ్లేషణను కోరారు. వరంగల్ జిల్లాలో అధికార యంత్రాంగంలో మహిళల ప్రాతినిధ్యం గురించి ప్రత్యేకంగా ప్రస్తావించారు. మరియు సైన్సెస్ మరియు హ్యుమానిటీస్ లో మహిళల అనుకూలమైన భాగస్వామ్యాన్ని అభినందించారు.
అనంతరం ఎన్ఐటీ వరంగల్ డైరెక్టర్ ప్రొఫెసర్ ఎన్వీ రమణారావు ప్రసంగించుచూ సంస్థలోని మహిళల డెడికేషన్ కి అభినందనలు తెలిపారు. మరియు సంస్థలోని విద్యార్థినీ విద్యార్ధుల విద్యా విజయాలను ప్రస్తావించారు.
ప్రొ.సుజాత ముకిరి డిజిటల్ ఇన్క్లూజివ్నెస్ యొక్క ఆవశ్యకతపై సంభాషించుచూ డిజిటల్ స్పేస్లలో మహిళలు మరియు బాలికలు ఎదుర్కొంటున్న సవాళ్లను హైలైట్ చేశారు.
తెలంగాణ ప్రభుత్వ చీఫ్ ఇన్నోవేషన్ ఆఫీసర్ డాక్టర్ శాంత థౌటం ఈ సమావేశంలో వర్చువల్ గా ప్రసంగించుచూ సవాళ్లను మాత్రమే చూడకుండా అవకాశాల కోసం వెతకాల్సిన అవసరం ఎంతైనా ఉందని ఆమె వివరించారు. అన్ని రంగాల్లో మహిళలకు సమానావకాశాలు కల్పిస్తూ తెలంగాణ జిల్లాలో ఆవిష్కరణల సంస్కృతిని డాక్టర్ థౌటం పేర్కొన్నారు.
ఈ కార్యక్రమములో డా.శైలజా కుమారి, డా.కె. మాధవి, డా.హెచ్.పి.రాణి, డా.స్పూర్తి, డా.అంజనా సదస్సుకు కోఆర్డినేటర్లుగా వ్యవహరించారు. రెండు రోజుల్లో 6 సెషన్లలో 120కి పైగా పేపర్లు ఆఫ్లైన్ మరియు ఆన్లైన్లో సమర్పించబడతాయి. ఎస్.గోవర్ధన్ రావు, రిజిస్ట్రార్, నిట్ వరంగల్, డీన్స్, హెడ్స్, ప్రొఫెసర్లు మరియు దేశంలోని వివిధ ప్రాంతాల నుండి ప్రతినిధులు పాల్గొన్నారు.
Post A Comment: