పాత వాహనాల బహిరంగ వేలం పూర్తి రూ. 4 లక్షల 12 వేలు ప్రభుత్వ ఖజానాకు జమ...

 ఉమ్మడి వరంగల్ జిల్లా ప్రతినిధి/మాడుగుల శ్రీనివాసశర్మ 

హన్మకొండ ;

 జయశంకర్ భూపాలపల్లి జిల్లా పరిధిలో వివిధ కేసుల్లో పట్టుబడిన వాహనాలను బహిరంగ వేలం ద్వారా అదనపు ఎస్పీ వి. శ్రీనివాసులు  ఆధ్వర్యంలో విక్రయించారు. మంగళవారం జిల్లా ఆర్ముడ్ రిజర్వు ప్రధాన  కార్యాలయంలో నిర్వహించిన ఈ బహిరంగ వేలంలో  భూపాలపల్లి జిల్లాతో ఇతర జిల్లా నుంచి దాదాపు 81 బిడ్డర్లు, (వ్యాపారులు) హాజరయ్యి, ఉత్సాహంగా పాల్గొని, రూ. నాలుగు లక్షల 12 వేలు చెల్లించి వాహనాలు తీసుకెళ్లడం జరిగింది.  ఈ వేలంపాటలో ఎస్పీ  జె. సురేందర్ రెడ్డి  ద్వారా నియమించబడిన వేలం కమిటీ సభ్యులయిన  భూపాలపల్లి, కాటారం  డిఎస్పీలు, ఏ. రాములు, బోనాల కిషన్, ఇన్స్పెక్టర్ లు పెద్దన్న కుమార్, జితేందర్ రెడ్డి, ఎం.టి.ఓ సతీష్ పాల్గొన్నారు.