భార్య వెళ్లిపోవడంతో ఇద్దరు పిల్లలను చంపి ఆత్మహత్య చేసుకున్న తండ్రి..

సంగారెడ్డి జిల్లాలో హృదయ విదారక ఘటన చోటుచేసుకుంది. కొండాపూర్ మండలంలోని మల్కాపూర్లో భార్య తనను విడిచి పుట్టింటికి వెళ్లిపోయిందన్న తీవ్ర మనస్తాపంతో ఓ భర్త అత్యంత దారుణమైన చర్యకు పాల్పడ్డాడు. సొంత పిల్లలైన ఇద్దరు బిడ్డలకు ఉరి వేసి చంపి, ఆ తర్వాత తానూ ఉరి వేసుకుని ఆత్మహత్య చేసుకున్నాడు. ఈ విషాదకరమైన సంఘటన మల్కాపూర్ గ్రామంలో తీవ్ర విషాదాన్ని నింపింది. భార్యాభర్తల మధ్య ఏం జరిగిందనే పూర్తి వివరాలు ఇంకా తెలియాల్సి ఉంది. పోలీసులు కేసు నమోదు చేసుకుని దర్యాప్తు చేస్తున్నారు. ఇద్దరు చిన్న పిల్లలను కోల్పోయిన ఆ కుటుంబ సభ్యుల రోదనలు మిన్నంటాయి. ఈ ఘటన స్థానికంగా కలచివేసింది.