ఆస్తి గొడవలు: తల్లిపై పెట్రోల్ దాడి, కొడుకు పరార్

 

వరంగల్ జిల్లాలో అత్యంత దారుణమైన ఘటన చోటుచేసుకుంది. సంగెం మండలం కుంటపల్లి గ్రామానికి చెందిన సతీష్ అనే వ్యక్తి ఆస్తి పంపకాల విషయంలో తలెత్తిన వివాదాల కారణంగా తన కన్నతల్లి వినోద(50)పై పెట్రోల్ పోసి నిప్పంటించాడు. ఈ ఘటనలో వినోదకు తీవ్ర గాయాలయ్యాయి.

వెంటనే ఆమెను ఎంజీఎం ఆస్పత్రికి తరలించగా, ప్రస్తుతం ఆమె పరిస్థితి విషమంగా ఉన్నట్లు వైద్యులు తెలిపారు. ఈ దారుణానికి ఒడిగట్టిన సతీష్ ఘటన అనంతరం పరారీలో ఉన్నాడు. సమాచారం అందుకున్న పోలీసులు కేసు నమోదు చేసుకుని దర్యాప్తు ప్రారంభించారు. ఆస్తి పంపకాల వివాదమే ఈ ఘాతుకానికి కారణమని ప్రాథమికంగా తెలుస్తోంది.